Коом
Жалпы республикалык тестирлөөнүн жыйынтыгына айрымдар нааразы
Элита плюс
Июль 21, 2020 г.
Жалпы республикалык тестирлөөнүн жыйынтыгына нааразы болгон айрым абитуриенттерге тестти алган Билимди баалоо жана окутуу усулдары борбору жооп кайтарды. Маалыматка ылайык, болочок студенттер менен ата-энелердин арасында упай менен сертификаттар сатылганы жөнүндө нааразычылыктар болгон. Бирок борбордун өкүлдөрү бул маалыматтарды четке кагып, 2001-жылдан бери өткөрүлүп келе жаткан тестирлөөнүн жыйынтыгы боюнча коррупцияга байланыштуу нааразычылыктар болбогонун билдирди. Эгер Борборго мындай маалыматтар түшкөн учурда күмөн санаган абитуриенттердин аты-жөнүн, каттоо номерин берүүнү сурап, өз ара изилдөө өткөрүшөөрүн кошумчалашкан. Белгилей кетсек, быйыл ЖРТга 43миң 245 бүтүрүүчү катышып, анын ичинен 53 бүтүрүүчү алтын сертификатка ээ болду.