Ысык-Көл облусунун башчысы Илияз Иманбетов Түп районунун Санташ айыл аймагындагы Сары-Тологой айылына барып, Түп суусу жеп жаткан кооптуу жерлерди көрүп чыкты.

Президенттин Ысык-Көл облусундагы өкүлчүлүгүнөн билдиришкендей, Илияз Иманбетов облустук өзгөчө кырдаалдар башкармалыгына жана район жетекчилигине тез арада алдын алуу иштерин көрүүнү, техника тартып, суу жеп жаткан жерлерде суунун нугун буруп, жээктерин бекемдөө иштерин жүргүзүүнү тапшырды.