Таштандыларды өрттөө боюнча Бишкектеги мончолорго рейд жүрдү
Элита плюс
Декабрь 18, 2020 г.
Бишкек шаарындагы мончолорго таштанды жагуу боюнча рейд жүрдү. Бул тууралуу Бишкек шаардык мэриясынын басма сөз кызматынан билдиришти.
"Рейд Санитардык-экологиялык инспекциянын, Бишкек шаарынын Мамлекеттик санитардык-эпидемиологиялык көзөмөлдөө борборунун жана Муниципалдык аймактык башкаруу кызматынын кызматкерлери менен бирге өткөрүлдү. Анда шаар боюнча эки күндө 74 объект текшерип, 22 миң 500 сомдук 3 протокол түзүлдү", - деп жазылат билдирүүдө.
Кыргыз Республикасынын "Бузуулар жөнүндө" кодексинин 71-беренесинин 2-бөлүгүнө ылайык, өндүрүштүк таштандыларды жана башка буюмдарды белгисиз жерлерде өрттөө, жеке адамдарга 7 миң 500 сом, юридикалык жактар үчүн 23 миң сом айып салынат.