Президенттин милдетин аткаруучу, өкмөт башчы Садыр Жапаров Орусиянын президенти Владимир Путин менен телефон аркылуу сүйлөштү. Бул тууралуу президенттик аппараттан билдиришти.

Маалыматта телефондук сүйлөшүү Кыргыз өлкөсү тараптан демилгеленгени белгиленет.

"Владимир Путин Кыргыз өлкөсүнүн президентинин милдетин аткаруучу Садыр Жапаров менен орус-кыргыз мамилелери жана анын келечеги менен учурдагы абалы жөнүндө талкуулашты. Өз кезегинде Садыр Жапаров октябрь айындагы окуялардан улам келип чыккан өлкөдөгү азыркы кырдаал тууралуу айткан", - деп жазылат маалыматта.