Саясат
Президенттик шайлоо 6-ноябрга чейин жарыяланышы керек
Элита плюс
Октябрь 19, 2020 г.
Президенттикке шайлоону Жогорку Кеңештин депутаттары жарыялашат. Бул тууралуу Боршайкомдун мүчөсү Кайрат Осмоналиев жергиликтүү маалымат булактарына билдирди.
Анын айтымында, парламенттин депутаттары президенттик шайлоонун күнүн 6-ноябрга чейин аныкташы керек.
«Президенттик жана парламенттик шайлоону чогуу өткөрсө болот. Ага 400-450 миллион сом сарпталышы мүмкүн», — дейт Кайрат Осмоналиев.
Белгилей кетсек, президенттин отставкасынан кийин үч ай ичинде шайлоо өтүүсү зарыл. Экс-президент Сооронбай Жээнбеков 16-октябрда отставкага кетти.