Ош шаарынын мэринин орун басары Сонунбек Калмаматов, Ош шаардык кеңешинин депутаттары, мэриянын аппаратынын жана муниципалдык мекеме-ишканалардын жетекчилери Өзбекстандын Наманган шаарында Эл аралык гүл фестивалына катышып келишти. Бул тууралуу Ош шаардык мэриясынан кабарлашты.

Ош шаарынан барган топ фестивалдын ачылышына катышып, өнөр жай ишканалары менен таанышып чыгышты.

Гүлдөр фестивалы Бабур, Афсона бактарында, гүлдөр менен кооздолгон автоунаалар парады, майрамдык концерт, ар кандай сынактар, форум-жарманкелер менен коштолду.

Белгилей кетсек, Наманган Эл аралык гүл фестивалы быйылкы жылы 62-жолу өткөрүлүүдө. Ага 100гө жакын өлкөлөрдүн өкүлдөрү катышты.

Аталган фестиваль 20-июнга чейин уланмакчы.