Кыргызстанга КМШдан тышкары өлкөлөрдөн импорттолуучу товарлардын негизги көлөмү АКШдан келди. Бул тууралуу Улуттук статистика комитетинин маалыматында айтылат. Быйылкы жылдын үч айында Кыргызстан менен АКШнын товар жүгүртүүсү 43,5 млн долларды түзгөн. Бул былтыркы жылга салыштырмалуу 86,2 пайызга көп. Экспорт 800 миң долларды түзүп, өткөн жылдын ушул мезгилине салыштырмалуу 3 эсеге өскөнү байкалган. Импорт 42,7 млн долларга жеткен, бул былтыркыга салыштырмалуу, 84,8%га көп. АКШдан тышкары импорт Кытайдан, Түркиядан жана Германиядан келген.