Кыргызстанда быйылкы жылдын январь-август айларында болжол менен 205 миллиард 626,1 миллион сомдук өнөр жай продукциясы өндүрүлдү. Бул тууралуу Улуттук статистикалык комитетти билдирди. Чүй облусунда өнөр жай продукциясы эң көп өндүрүлгөн. Анын жалпы суммасы 96,5 миллиард сомду түзөт. Андан кийин Ысык-Көл, Жалал-Абад облустарында жакшы өндүрүлгөн. Ал эми Талас менен Нарында өнөр жай продукциясы быйыл азыраак өндүрүлгөнү байкалган.