Медицина
Дүйнөлүк саламаттыкты сактоо уюму Кыргыз өлкөсүнө микроскопторду берди
Элита плюс
Ноябрь 06, 2020 г.
Бүткүл дүйнөлүк саламаттыкты сактоо уюму Кыргыз өлкөсүнүн саламаттыкты сактоо министрлигине микроскопторду берди. Бул тууралуу министрликтин басма сөз кызматынан билдиришти.
"2019-жылы саламаттыкты сактоо министрлигинин алдындагы Ооруларды алдын алуу жана мамлекеттик санитардык-эпидемиологиялык көзөмөлдөө департаменти мите-курт ооруларынын лабораториялык диагностикасын өркүндөтүү максатында заманбап микроскоптор менен жабдууга колдоо көрсөтүү үчүн дүйнөлүк саламаттыкты сактоо уюмуна арыз берген. Ушул жылдын ноябрь айында ДССУдан 9 микроскоп топтому кабыл алынды", - деп жазылган билдирүүдө.
Учурда алынган микроскоптор республиканын Мамлекеттик санитардык-эпидемиологиялык кызматынын паразитологиялык лабораторияларына таратылууда.