Быйылкы жылы кооптуу кесиптер рейтингинде дарыгерлер көч башында болууда. Өмүр сакчылары бул сапар шахтачылардан, өрт өчүрүүчүлөрдөн жана аскер кызматкерлеринен озуп, алдыга чыкканын РИА "Новости" билдирди. Иликтөө 30-июлдан 3-августка чейинки аралыкта ачык сурамжылоодогу маалыматтарга негизделген. Россиялыктардын 20 пайызы дарыгердин жумушу азыркы учурда эң кооптуу кесип деп эсептешкен. Шахтачылардын ишинде тобокелдик көп дегендер 10 пайыз болгон. 8 пайыз респонденттердин пикири боюнча, кооптуу жумушту өрт өчүрүүчүлөр жасашат. Аскер кызматкерлеринин жана Өзгөчө кырдаалдар министрлигинин куткаруучуларынын ишмердүүлүгү кооптуу дегендер 6 пайызды түзгөн.