Россиянын Коргоо министрлигинин аскер медицина кызматкерлери Кыргызстандын аскердик дарылоо мекемелеринде жардам көрсөтүүлөрүн улантууда. Бул тууралуу КР КК Башкы штабынын маалыматтык камсыздоо башкармалыгы билдирет.

Маалыматка ылайык, Кыргызстан менен Россиянын ортосундагы макулдашуунун алкагында COVID-19 илдети менен күрөшүүгө комплекстүү жардам көрсөтүү үчүн бир ай мурун 19 адамдан турган топ биринчилерден болуп Бишкек шаарына келген.

“Аскер адистери - анестезиологдор, терапевттер, пульмонологдор 6 бригадага бөлүнүп, Бишкек жана Ош шаарларындагы 2 аскер бейтапканасына жөнөтүлгөн. Алар реанимация жана интенсивдүү терапия бөлүмүндө күнү-түнү нөөмөттө турушту.

Практикалык жардамдан тышкары россиялык доктурлар Кыргызстандагы кесиптештерине санитардык-эпидемиологияга каршы иш-чараларды уюштуруу жана оорулууларга кирүү тактикасы боюнча өздөрүнүн клиникалык тажрыйбасы менен бөлүшүп, методикалык сабактарды өткөрүштү.

Дарыгерлер консультациялык жардамдарды көрсөтүүдө, ошондой эле онлайн режиминде.