Жогорку Кеңештин депутаттарын шайлоого катышуу ниетин алгач 44 партия билдирген. Алардын жыйырма экиси БШК белгилеген убакытка чейин курултай өткөрүп, талапкерлеринин тизмесин бекитти.
Ал эми 21-августка карата 19 партия шайлоого баруудан баш тартты. Он бир партия шайлоого катышпай турганын Боршайкомго оозеки, ал эми 8 партия жазуу түрүндө маалымдаган.
Шайлоого катышуудан баш тартканын жазуу түрүндө билдирген партиялар:
1. «Бирик»;
2. «Бийлик элге»;
3. «Кыргызстандын коммунисттер партиясы»;
4. «Кыргыз Республикасынын агрардык партиясы»;
5. «Демократ»;
6. «Эмгек партиясы»;
7. «Кыргызстандын элдик-демократтар партиясы»;
8. «Эл биримдиги»;
9. «Улуу-Журт».
Шайлоого катышуудан баш тартканын оозеки билдирген партиялар :
1. «Кыргызстандын жумушчулар партиясы»;
2. «Таза коом»;
3. «Ар-Намыс»;
4. «Эл үнү»;
5. «Ак калпак»,
6. «Элдик көзөмөл»,
7. «КУТ»,
8. «Өнүгүү Кыргызстан»,
9. «Улуу Кыргызстан»
10. Кыргызстандын социал-демократтар партиясы.
Ал эми «Кыргызстандын патриоттору» партиясы курултай өткөрүп-өткөрбөгөнү белгисиз. «Жаратман эл» партиясы да берилген убакыт ичинде шайлоо фондун түзгөн эмес.