"Бишкекжашылчарба" муниципалдык ишканасынын кызматкерлери Тыналиев көчөсүнө гүл фонтандарын орнотушту. Бул тууралуу Бишкек шаарынын мэриясынан билдиришти.

Маалыматка ылайык, жашылдандыруучулар 368 атайын идишке бир жылдык гүлдөрдү отургузуп, жол боюна илип чыгышты.

"Азыр ал жерде сальвия, петуния, агератум жана башка бир жылдык гүлдөр гүлдөп жатат", - деп айтылат маалыматта.

Эске салсак, былтыр Ахунбаев көчөсүнөн Болот Миңжилкиев көчөсүнө чейинки аралыкка көк майсан себилген.