"Ата-Мекен" парламенттик фракциясынын лидери алмашты. Бул тууралуу Жогорку Кеңештин басма сөз кызматынан билдиришти.

Маалым болгондой, Өмүрбек Текебаевдин ордуна фракциянын лидерлиги Сайдулла Нышановго өттү.

Өткөн жылдын 15-октябрында Өмүрбек Текебаевдин депутаттык мандатын кайра кайтарып алып, парламентке келгендигине байланыштуу Айсулуу Мамашова "Ата-Мекен" фракциясынын лидерлиги кызматынан өз ыктыяры менен баш тарткан.

Текебаевдин мандатынын кайтарылышына каршы болгон акын Темирлан Ормуков БШКнын мындай чечимин жокко чыгаруу үчүн административдик сотко кайрылып утуп алган. 3-мартта Жогорку Сот Өмүрбек Текебаевди мандатынан ажыратуу боюнча буга чейинки соттун чечимдерин күчүндө калтырган.