Бүгүн, 6-ноябрда Жогорку Кеңеш жана президенттик аппарат жайгашкан Ак Үйдүн тосмолорун алуу иштери башталды.

Шаар мэринин убактылуу милдетин аткаруучу Балбак Түлөбаевдин айтымында тосмолорду алуу иштери эртеңкиге чейин созулат. Ошондой эле, Чүй проспектиси менен Панфилов көчөлөрүнүн кесилишиндеги апрель окуясында курман болгондордун ысымдары жазылган тосмо кала берери белгилүү болду.

Ак Үйдүн тосмосу 2000-жылдын башында орнотулган.